İtaliyada tamamilə süni intellekt (AI) tərəfindən yazılmış dünyanın ilk qəzeti nəşr olunub.

APA xəbər verir ki, bu haqda “The Guardian” qəzeti məlumat yayıb.

“Il Foglio IA” adlanan buraxılış “Il Foglio” gündəlik qəzeti tərəfindən hazırlanıb və ilk buraxılışı martın 18-də nəşr olunub.

Məlumatda qeyd edilir ki, “Il Foglio” qəzet bütün materialların neyron şəbəkəsi tərəfindən yazıldığı eksperimental buraxılış dərc edib.

Qəzetin baş redaktoru Klaudio Ceraza bildirib ki, təcrübənin məqsədi süni intellektin müasir jurnalistikaya təsirini nümayiş etdirməkdir.

Dörd səhifəlik xüsusi buraxılış həm çap, həm də onlayn formatda mövcuddur. Burada şəxsi fikirlər, dərin təhlillər və ya canlı müsahibələr yoxdur.

Xüsusi buraxılışda “İtalyan Trampist paradoksu” ilə bağlı məqalə, Rusiya prezidenti Vladimir Putin haqqında köşə yazısı və İtaliya iqtisadiyyatında islahatlarla bağlı məqalə yer alıb.

Oxşar xəbərlər

"Azərbaycan müəllimi" qəzetinin 90 illik yubileyi münasibətilə tədbir keçirilib

"Kaspi" qəzeti 144 illiyini qeyd edir

“Novoye Vremya” qəzetinin 25 yaşı tamam olur

İtaliyan jurnalistin həbsinə görə İran səfiri XİN-ə çağırılacaq

Baş nazir: Azərbaycanın süni intellekt strategiyası hazırlanır