Güclü qar Gürcüstanda fəsadlara səbəb olub

Güclü qar Gürcüstanın bir sıra bölgələrində fəsadlara səbəb olub.

Sizinxeber.az-nın Tbilisi müxbiri xəbər verir ki, ölkənin xüsusilə də qərb bölgəsinə yağan qar evlərin damına zərər vurub, beynəlxalq əhəmiyyətli yollar bağlanıb.

Qar örtüyünün çox olması nəticəsində Batumi Beynəlxalq Hava Limanının mərkəzi girişinin damını uçub. Hadisə zamanı xəsarət alan olmmdığı bildirilir. Bununla belə, çətin meteoroloji şəraitə görə hava limanından aviareyslər təxirə salınıb.

Ozurgeti bələdiyyəsində isə orta yaşlı kişinin yıxılaraq öldüyü bildirilib.

Qar səbəbilə Gürcüstan-Rusiya, Gürcüstan-Türkiyə istiqamətindəki bir sıra beynəlxalq əhəmiyyətli magistrallarda avtomobillərin hərəkəti məhdudlaşdırılıb.