Aİ son 12 gündə Gürcüstanda baş verən hadisələrə cavab olaraq vizasız səyahət rejiminin dayandırılmasını nəzərdən keçirir.

APA-nın Tbilisi müxbiri xəbər verir ki, bunu ittifaqın Gürcüstandakı səfiri Pavel Herçinski jurnalistlərə açıqlamasında deyib.
Herçinskinin sözlərinə görə, konkret kateqoriyalı pasportlar üçün vizasız gediş-gəlişin dayandırılması qərarının qəbul edilməsi ehtimalı var.

“Üzv dövlətlərin nə qərar verəcəyini görəcəyik. Konkret kateqoriyalı pasportlar üçün vizasız gediş-gəlişin dayandırılması ehtimalı var. Biz həmişə demişik ki, əhaliyə zərər vurmaq istəmirik. Biz Avropa dəyərlərinə sadiqliyinə görə nümayiş keçirən, Tbilisi və bir çox başqa şəhərlərin küçələrində Gürcüstan və Avropa İttifaqının bayraqlarını dalğalandıran insanları cəzalandırmaq istəmirik. Biz zorakılıq və qəddarlığa görə məsuliyyət daşıyan hökumətə səssiz qala bilmərik, üzv dövlətlər bu barədə bazar ertəsi qərar verəcəklər", - deyə səfir bildirib.

Oxşar xəbərlər

Aİ-nin XİN başçıları Gürcüstanla vizasız gediş-gəlişin ləğv edilməsini müzakirə edəcəklər

Aİ-nin Gürcüstandakı səfiri: Vizasız rejimin dayandırılması təhdid deyil, reallıqdır

Niderland Aİ-ni Gürcüstanla vizasız səyahət rejimini dayandırmağa çağırıb

Putin Gürcüstan vətəndaşları üçün vizasız rejimi genişləndirib

Aİ səfiri: Gürcüstana sanksiyaların hazırlanması üzərində iş gedir