İsrail Qəzzaya elektrik verilişini dayandırır.

APA-nın “The Times of Israel”-ə istinadən verdiyi xəbərə görə, bunu İsrailin energetika naziri Eli Koen bildirib.

Eli Koen deyib ki, İsrail Elektrik Şəbəkəsinə Qəzzaya elektrik verilişinin dərhal dayandırılması barədə tapşırıq verib.

Nazir qeyd edib ki, HAMAS-ın Qəzzada saxladığı bütün girovların azad buraxılması üçün bütün müvafiq vasitələrdən istifadə edirlər.

Hazırda Qəzzada 59 israilli girovun olduğu ehtimal edilir.

HAMAS İsrailin razılaşmanın ikinci mərhələsinə keçməsini və daimi atəşkəsin təmin olunmasını istəyir. İsrail isə razılaşmanın birinci mərhələsinin uzadılması və bu mərhələdə bütün israilli girovların azadlığa buraxılmasını tələb edir.

Bundan əvvəl İsrail Qəzzaya humanitar yüklərin buraxılışını dayandırıb.

Oxşar xəbərlər

İsrail Qəzza sektoruna humanitar yardımların buraxılmasını dayandırıb

İsrail Ordusu: HAMAS israilli girovların siyahısını təqdim etmədiyi üçün Qəzzaya zərbələr endirilməsi davam edəcək - YENİLƏNİB-1

HAMAS: İsrail Qəzzaya yardımı gecikdirir, bu, girovların azad edilməsinə təsir edə bilər

KİV: HAMAS İsraillə atəşkəsin qüvvədə qalması məsələsində razılığa gəlib

KİV: İsrail hər girov üçün 10 fələstinli məhbusun azad edilməsi təklifini araşdırır