Koreya Respublikasının prezidenti vəzifəsini icra edən baş nazirin müavini Çhve San Mok Muan şəhərinin hava limanında azı 179 nəfərin ölümü ilə nəticələnən təyyarə qəzası ilə əlaqədar ölkə ərazisində bir həftəlik matəm elan edib.

APA xəbər verir ki, bu barədə Cənubi Koreyanın İqtisadiyyat və Maliyyə Nazirliyi məlumat yayıb.

İlkin məlumata görə, qəzaya təyyarənin mühərrikində və şassisində yaranan nasazlıq səbəb olub. Ekipajin səylərinə baxmayaraq təyyarə sürətini azalda bilməyib və uçuş-eniş zolağının sonundakı maneəyə çırpılıb.

Muan şəhərində baş verən qəza ölənlərin sayına görə ölkə tarixində ikinci ən böyük təyyarə faciəsidir. 1997-ci ildə Cənubi Koreya laynerinin ABŞ-ın Quam adasında yerə çırpılması nəticəsində 228 nəfər həyatını itirmişdi.

Oxşar xəbərlər

Cənubi Koreyada təyyarə qəzasında ölənlərin sayı 176-ya çatıb, üç nəfər itkin düşüb - YENİLƏNİB-5

Cənubi Koreyada baş verən təyyarə qəzasında 174 nəfərin öldüyü təsdiqlənib - YENİLƏNİB - 4

Cənubi Koreyada təyyarə qəzaya uğrayıb, 124 nəfər ölüb - VİDEO - YENİLƏNİB-3

Cənubi Koreyada təyyarə qəzasında ölənlərin sayı 167-yə çatıb - YENİLƏNİB - 3

Yonhap: Qəzaya uğrayan təyyarədəki 179 sərnişin həlak olub - VİDEO - YENİLƏNİB 2