HƏMAS-ın Qəzza zolağında saxlanılan israilli girovların siyahısını Misir tərəfinə təhvil verdiyi iddia olunur.

APA xəbər verir ki, bu barədə “Əl Ərəbiyyə” telekanalı məlumat yayıb.

Telekanalın mənbələrinin bildirdiyinə görə vasitəçilər hazırda Qəzzada atəşkəs sazişi bağlamaq üçün aktiv məsləhətləşmələr aparır və guya İsrailə qoşunlarını Filadelfiya dəhlizindən (Misir və Qəzza sərhədindəki ərazinin bir hissəsi) çıxarması üçün təzyiq göstərirlər.

Mənbələrin məlumatına görə, Misirlə sərhəddə yerləşən Rəfah keçid məntəqəsinə nəzarət Fələstin Milli Administrasiyasına keçməli olacaq.

Qeyd edək ki, nə HƏMAS, nə də Misir hökuməti girovların adları olan siyahının ötürülməsini hələlik təsdiqləməyib.

Oxşar xəbərlər

Misir ordusunun baş qərargah rəisi Qəzza ilə sərhədə səfər edib

Blinken İsrailə səfər edəcək

Netanyahu: İsrail Qəzzanın Misirlə sərhədindən qoşunlarını çıxarmaq niyyətində deyil

Misir və İsrail “Rəfah” keçid məntəqəsinin açılmasını müzakirə edir

İsrail Qəzza ilə bağlı danışıqların davam etdiyini açıqlayıb