ABŞ-a məxsus esmineslər bir neçə saat əvvəl Oman dənizində radarlarını söndürərək Hörmüz boğazına yaxınlaşmağa cəhd edib.

APA-nın Tehran bürosunun məlumatına görə, bu barədə İran ordusu bəyanat yayıb.

Bəyanatda qeyd olunub ki, həmin gəmilər radarlarını yenidən işə saldıqdan dərhal sonra aşkarlanıb və İran Hərbi Dəniz Qüvvələri tərəfindən atəşkəsin pozulmasının riskləri ilə bağlı radioqxəbərdarlıq edilib.

Bildirilib ki, ABŞ esminesləri buna məhəl qoymadıqdan sonra yenidən xəbərdarlıq edilərək Hörmüz boğazına daxil olmağa hər hansı cəhdin atəşkəsin pozulması kimi qiymətləndiriləcəyi və buna qarşılıq veriləcəyi açıq şəkildə bəyan edilib.

ABŞ esmineslərinin ilkin xəbərdarlığa məhəl qoymaması fonunda İran Hərbi Dəniz Qüvvələri tərəfindən gəmilərin ətrafına qanadlı raketlər, raketlər və döyüş PUA-ları atılıb.

İran ordusu bildirib ki, bu cür addımların məsuliyyəti və mümkün nəticələri qarşı tərəfin üzərinə düşür.

Haşim Rahimi

Oxşar xəbərlər

SEPAH: Hörmüz boğazına hərbi gəmilər yaxınlaşsa, atəşkəs rejimi pozulacaq

İran Azərbaycanla sərhəddə hərbi təlim keçirir

ABŞ Ordusu Oman körfəzində İran gəmisinin saxlanılmasının təfərrüatını açıqlayıb

Azərbaycan-İran hərbi əməkdaşlığı müzakirə edilib

SEPAH: Suriyada İran qüvvələri qalmayıb