Qətər, Bəhreyn, Bəə, Küveyt və İraq hava məkanını bağlayıb

Qətər hökuməti vətəndaşların, sakinlərin və ziyarətçilərin təhlükəsizliyini təmin etmək üçün ölkənin hava məkanını müvəqqəti bağlayıb.

APA xəbər verir ki, bu barədə Qətərin Xarici İşlər Nazirliyinin bəyanatında deyilir.

"Qətər Dövlətinin vətəndaşlarının, sakinlərinin və ziyarətçilərinin təhlükəsizliyini təmin etmək öhdəliyinin bir hissəsi olaraq, səlahiyyətli orqanlar ölkənin hava məkanında nəqliyyatın hərəkətini müvəqqəti dayandırdığını elan edir. Bu, regionda baş verən hadisələrlə bağlı görülən qabaqlayıcı tədbirlər kompleksinin bir hissəsidir", - bəyanatda deyilir.

Qeyd edək ki, Birləşmiş Ərəb Əmirlikləri, Bəhreyn, Küveyt və İraq da hava məkanlarını bağladıqlarını açıqlayıblar.