Kaliforniya administrasiyası Trampa qarşı iddia qaldırıb

Kaliforniya ştatının administrasiyası ABŞ prezidenti Donald Trampa, Pentaqona rəhbəri Pit Heqsetə qarşı Los-Ancelesdə Milli Qvardiya qüvvələrinin yerləşdirilməsi ilə əlaqədar məhkəməyə müraciət edib.

Sizinxeber.az xəbər verir ki, iddiada Trampın etirazlardan Kaliforniya ştatının suverenliyini pozmaq üçün istifadə etdiyi və Milli Qvardiyanın yerləşdirilməsi ilə bağlı qərarı ştat qubernatorunun əksinə olaraq verdiyi bildirilir.

Tramp isə hesab edir ki, o olmasaydı, Los-Anceles məhv olardı.

San-Fransiskoda yerləşən Federal Dairə Məhkəməsinə təqdim olunmuş 22 səhifəlik şikayətdə Trampın federal qanunvericiliyi və Konstitusiyanı pozduğu bildirilir.

Ştat məhkəmədən Milli Qvardiyanın yerləşdirilməsi qərarını ləğv etməyi və onların üzərində nəzarəti qubernatora qaytarmağı tələb edib.