ABŞ-nin müdafiə naziri Pit Heqset, mövqeləri Tramp administrasiyasının siyasətinə zidd olan bir sıra general və admiralları işdən azad etməyi düşünür.

Sizinxeber.az xəbər verir ki, bu barədə “NBC News” Pentaqonun iki rəsmisinə və üç konqres nümayəndəsinə istinadən məlumat yayıb.

Pentaqon rəhbərliyi bu həftənin əvvəlində Nümayəndələr Palatasının və Senatın Respublikaçı üzvləri ilə işdən çıxarıla biləcək general və zabitlərin siyahısını müzakirə ediblər.

Məlumata görə, siyahıda olanların əksəriyyəti keçmiş müdafiə naziri Lloyd Ostin ilə sıx əlaqələrə malik olub.

Generalların və zabitlərin Heqsetə daha yaxın olan və Trampın gündəliyinə daha uyğun görünən namizədlərlə əvəzlənməsi gözlənilir.

Qeyd edək ki, prezident Donald Tramp bu həftə əvvəlki administrasiya dövründə təyin edilmiş bütün federal prokurorların işdən çıxarıldığını elan edib.

Oxşar xəbərlər

Reuters: Trampın komandası işdən çıxarılacaq Pentaqon zabitlərinin siyahısını hazırlayır

Pentaqon rəhbəri gözlənilmədən Kiyevə gedib

Pentaqon rəhbəri İsrailin müdafiə naziri ilə telefonla danışıb

Pentaqon rəhbəri Almaniyaya səfərə yola düşüb

Pentaqon rəhbəri Almaniyaya səfər edib