ABŞ Prezidenti Donald Tramp Vaşinqton səmasında sərnişin təyyarəsi ilə helikopterin toqquşması barədə danışıb.

Sizinxeber.az xəbər ver ki, Tramp faciədən qaçmağın mümkün olduğunu vurğulayıb. O qeyd edib ki, “Black Hawk” hərbi helikopterinin ekipajı kursu dəyişməliydi, belə olan halda toqquşma baş verməzdi.

Qeyd edək ki, “American Airlines” aviaşirkətinə məxsus, Uiçito-Vaşinqton reysini yerinə yetirən “Bombardier CRJ700” tipli sərnişin təyyarəsi Vaşinqtonun Ronald Reyqan aeroportuna eniş etmək istəyərək ABŞ Quru Qoşunlarının “Sikorsky H-60” (“Black Hawk”) hərbi helikopteri ilə toqquşub.

Toqquşma nəticəsində partlayış baş verib, hər iki nəqliyyat vasitəsi Potomak çayına düşüb.

Təyyarədə 60 sərnişin, 4 ekipaj üzvü, helikopterdə 3 hərbçi olub.

Qəza nəticəsində ölənlərin olduğu bildirilir. Artıq 18 nəfərin meyiti Potomak çayından çıxarılıb.

Qəzadan sağ qurtulanlar da var.

Axtarış-xilasetmə tədbirləri davam etdirilir.

Oxşar xəbərlər

Vaşinqtonda helikopterlə toqquşan sərnişin təyyarəsi çaya düşüb, 60-a qədər ölən var - VİDEO - YENİLƏNİB

AZAL-ın prezidenti: Təyyarədə texniki nasazlıq olmayıb

ABŞ-də sərnişin təyyarəsi hərbi helikopterlə toqquşub

ABŞ-də sərnişin təyyarəsi helikopterlə toqquşub, ölənlər və yaralılar var - YENİLƏNİB

Təyyarə qəzasında həlak olan 3 ekipaj üzvü və 21 sərnişinin cənazəsi Aktaudan Bakıya gətirilib - VİDEO