ABŞ prezidenti Co Baydenin administrasiyası girovları azad etmək üçün HƏMAS hərəkatına qarşı sanksiyaların sərtləşdirilməsini və digər tədbirlər görməyi planlaşdırır.

Sizinxeber.az xəbər verir ki, bu barədə Ağ Evin Milli Təhlükəsizlik Şurasının sözçüsü Şon Savettin şənbə günü yaydığı bəyanatda deyilir.

ABŞ və İsrail vətəndaşlığı olan Eden Alexander adlı girovun HƏMAS-ın yaydığı videomüraciətini şərh edən Ağ Ev rəsmisi prezident administrasiyasının onun ailəsi ilə əlaqə saxladığını deyib.

"Məsələ üzərində razılaşma var. Prezident Bayden və ABŞ dövləti diplomatiya və sanksiyalar, hüquq-mühafizə və digər tədbirlər vasitəsilə HƏMAS terrorçularına artan təzyiq də daxil olmaqla, vətəndaşlarımızın azad edilməsi üçün yorulmadan işləməyə davam edəcəklər", - deyə Savett bildirib.

Oxşar xəbərlər

KİV: HƏMAS liderinin cəsədi Qəzzada saxlanılan İsrail girovları ilə mübadilə edilə bilər

HƏMAS İsraillə şərti razılığa gəlib, girovlar azad edilə bilər

ABŞ Prezidenti: İsrailin təhlükəsizliyinə tam sadiqik

İran Tehranın HƏMAS-ın İsrailə hücumu ilə əlaqəsini inkar edib

İsrail XİN rəhbəri: Bütün girovlar azad edilsə belə, Qəzzada əməliyyatı dayandırmayacağıq