İsrail mülki itkilərin qarşısını almaq üçün hərbi əməliyyatlar apararkən daha diqqətli davranmalıdır.

APA xəbər verir ki, bunu ABŞ prezidenti Co Bayden oktyabrın 4-də Ağ Evdə keçirdiyi mətbuat konfransında jurnalistlərə bildirib.

O, həmçinin qeyd edib ki, İsrailin İranın, “Hizbullah”ın və Yəməndəki “Ənsar Allah” hərəkatının hücumlarına cavab vermək hüququ var.

"Ancaq onlar mülki itkilərin qarşısını almaq üçün daha diqqətli olmalıdırlar", - deyə Bayden bildirib.

O, həmçinin bildirib ki, İsrail hələ İrana cavab zərbəsi endirmək barədə qərar verməyib.

“İsrail İranın hərəkətlərinə cavab olaraq nə edəcəyinə hələ qərar verməyib, bu müzakirə olunur. Mən onların yerində olsaydım, neft yataqlarına hücumdan başqa alternativlər haqqında düşünərdim”, - deyə o bildirib.

Qeyd edək ki, mətbuat konfransı Ağ Evin “YouTube” kanalında yayımlanıb.

Oxşar xəbərlər

Bayden: “İranın açıq təhdidləri qarşısında İsraili tam dəstəkləyirik”

Bayden Qəzzada atəşkəslə bağlı razılaşma əldə olunarsa, İranın İsrailə hücumunu dayandıracağını gözlədiyini deyib

Bayden: Biz İranın nüvə obyektlərinə hücumun tərəfdarı deyilik

ABŞ İsrail və İrana gərginliyi artırmamaqla bağlı xəbər göndərib

Kamala Harris: İran təkcə İsrail üçün, ABŞ maraqları üçün də təhlükədir