Livanda münaqişənin gərginləşməsi İsrailin və “Hizbullah” hərəkatının maraqlarına uyğun deyil və gözlənilməz nəticələrlə böyük regional müharibə ehtimalını artırır.

Sizinxeber.az xəbər verir ki, bunu Böyük Britaniyanın baş naziri Keir Starmer BMT Baş Assambleyasının 79-cu sessiyasında çıxışı zamanı deyib.

"Mən İsrail və “Hizbullah”ı zorakılığı dayandırmağa və tammiqyaslı müharibənin astanasından geri çəkilməyə çağırıram. Diplomatik həll şansı vermək üçün dərhal atəşkəs lazımdır. Biz bu məqsədə çatmaq üçün bütün tərəfdaşlarla işləyirik, çünki bundan sonra eskalasiya heç kimin marağında deyil. Bu, münaqişənin hər iki tərəfindəki insanların əzabını artırmaqdan başqa heç nəyə gətirib çıxarmır və heç kimin idarə edə bilməyəcəyi və nəticələrini heç kimin proqnozlaşdıra bilməyəcəyi daha böyük müharibə ehtimalını artırır”, - deyə o vurğulayıb

Bundan başqa, Böyük Britaniyanın baş naziri BMT Təhlükəsizlik Şurasında islahatların aparılmasının tərəfdarı olduğunu bildirib.

Onun fikrincə, bu qurum Braziliya, Almaniya, Hindistan, Yaponiya və bir Afrika ölkəsini daimi üzv kimi cəlb etməklə daha ​​çox təmsilçiliyə çevrilməlidir.

Oxşar xəbərlər

Britaniya Baş naziri İsrail və Hizbullahı gərginliyi azaltmağa çağırıb

KİV: ABŞ İsrail və Hizbullah arasında müvəqqəti atəşkəs planı hazırlayır

Böyük Britaniyanın Baş naziri Meloni ilə görüşüb

ABŞ müdafiə naziri "Hizbullah" və İsrail arasında döyüşün qaçılmaz olduğuna inanmır

Britaniya və İrlandiya baş nazirləri Dublində görüşüblər