ABŞ müdafiə naziri Lloyd Ostin "Hizbullah" və İsrail arasında döyüşün qaçılmaz olduğuna inanmır.

APA "Reuters"ə istinadən xəbər verir ki, müdafiə naziri Ostin eyni zamanda tərəflər arasında eskalasiya potensialından narahat olduğunu qeyd edib.

"İsrailin şimal sərhədində çoxlu aktivlik müşahidə edirik, bunun genişmiqyaslı döyüşə çevrilməsi potensialından narahatıq. Ancaq mən döyüşün qaçılmaz olduğuna inanmıram", - müdafiə naziri deyib.

Xatırladaq ki, gərginlik şənbə günü Colan Təpələrində druzların yaşadığı kənddəki futbol meydançasına düşən raketin 12 uşaq və yeniyetmənin ölümünə səbəb olduqdan sonra daha da artıb. İsrail hökuməti bu zərbədə İranın dəstəklədiyi "Hizbullah"ı ittiham edib və sərt cavab verəcəyini bəyan edib. "Hizbullah" bu hücumda iştirakını rədd edib.

Oxşar xəbərlər

İsrail Livana zərbə endirib, ölənlər və yaralananlar var

Netanyahu "Hizbullah"a xəbərdarlıq edib: Cavabımız sərt olacaq

İsrailin müdafiə naziri: "Günahsız uşaqlar öldü, Hizbullah günahkardır”

İsrailin xarici işlər naziri Livanla müharibədən qaçmaq üçün son şansı açıqlayıb

İran və Suriya müdafiə nazirləri görüşüb