ABŞ Prezidenti Donald Tramp bildirib ki, İranla əldə olunacaq yeni razılaşma əvvəlki nüvə sazişindən xeyli üstün olacaq.

APA xəbər verir ki, Ağ Ev rəhbəri bu barədə "Truth Social" hesabında yazıb.

Onun sözlərinə görə, Barak Obama və Co Bayden dövründə imzalanmış və “İran nüvə sazişi” kimi tanınan razılaşma ABŞ-ın təhlükəsizliyi baxımından ən uğursuz razılaşmalardan biri olub.

Tramp qeyd edib ki, həmin saziş faktiki olaraq İran üçün nüvə silahına aparan yolu açırdı, lakin hazırda üzərində işlədikləri razılaşma buna imkan verməyəcək.

O əlavə edib ki, əgər həmin razılaşmanı dayandırmasaydı, nüvə silahları İsrailə və ABŞ-ın Yaxın Şərqdəki hərbi bazalarına qarşı istifadə oluna bilərdi.

ABŞ prezidenti həmçinin bildirib ki, yeni razılaşma əldə olunarsa, bu, təkcə İsrail və Yaxın Şərq üçün deyil, həm də Avropa və bütün dünya üçün təhlükəsizlik və sabitlik təmin edəcək.

Tramp qeyd edib ki, belə bir razılaşma dünya ictimaiyyəti tərəfindən də müsbət qarşılanacaq və əvvəlki dövrdə yaşanan “alçaldılma və uğursuzluq illərini” əvəz edəcək.

Oxşar xəbərlər

Tramp İranla razılaşma əldə olunacağı təqdirdə İslamabada səfər edəcəyini istisna etməyib

Tramp: İranla razılaşma əldə etməyə çox yaxınlaşırıq

Tramp: ABŞ yaxın vaxtlarda Kuba ilə razılaşma əldə edə bilər

Uitkoff: İranla razılaşma yalnız nüvə proqramının tam ləğvi halında mümkündür

Tramp: İran razılaşma əldə etmək istəyir