Starmer Ukrayna üçün təhlükəsizlik zəmanətlərinə dair tarixi razılaşmaya ümid edir

Avropa ölkələri və ABŞ Ukrayna üçün təhlükəsizlik zəmanətləri mövzusunda əhəmiyyətli irəliləyiş əldə edə bilərlər.

APA xəbər verir ki, bunu Böyük Britaniyanın Baş naziri Kir Starmer ABŞ Prezidenti Donald Trampın və Avropa liderlərinin Vaşinqtonda görüşü zamanı bildirib.

“Təhlükəsizlik məsələlərindən danışarkən bu yalnız Ukrayna üçün deyil, həm də Avropa və Birləşmiş Krallıq üçün əhəmiyyətlidir. Məhz buna görə bu, bu qədər vacib görüşdə əsas mövzudur. Düşünürəm ki, düzgün yanaşma ilə, xüsusilə təhlükəsizlik zəmanətləri məsələsində, həqiqi irəliləyiş əldə edə bilərik”, - hökümət başçısı əlavə edib.