ABŞ-ın sabiq prezidenti Donald Tramp hesab edir ki, ölkə prezident Co Baydenin indiki administrasiyasının siyasəti ucbatından dəhşətli günlər və tənəzzül yaşayır.

Sizinxeber.az xəbər verir ki, Tramp bunu Floridada tərəfdarları qarşısında çıxış edərkən deyib.

"Biz tənəzzüldə olan bir millətik. Biz öz inamını, iradəsini və gücünü itirmiş, yolumuzu azmış bir millətik. Amma bu dəhşətin davam etməsinə imkan verməyəcəyik", - deyə o bildirib.

O, həmçinin Bayden və hazırkı vitse-prezident Kamala Harrisi ABŞ tarixinin ən pis və səriştəsiz administrasiyası adlandırıb.

Qeyd edək ki, ABŞ-da prezident seçkiləri noyabrın 5-də keçiriləcək. Baydenin Demokratlar Partiyasını təmsil edəcəyi güman edilirdi, lakin iyun ayında Respublikaçı Trampla debatdakı fəlakətli çıxışından sonra Demokratlar arasında Baydenin mübarizədən əl çəkməsi üçün çağırışlar daha da yüksəlməyə başladı. Nəhayət iyulun 21-də o, yarışdan çıxmaq qərarına gəldi və Harrisin ABŞ hökumətinin ən yüksək vəzifəsinə namizədliyini dəstəklədi.

Oxşar xəbərlər

Tramp: Biz 3-cü Dünya müharibəsinə həmişəkindən daha yaxınıq

Tramp Baydenin prezidentlik yarışından geri çəkilməsinə münasibət bildirib

Kamala Harris Trampla səs fərqini 1 %-ə endirib

Kiçik Kennedi: Trampı yalnız mən məğlub edə bilərəm

Mayk Conson: Harrisin namizədliyi demokratların seçki perspektivlərini yaxşılaşdırmayacaq