Azərbaycan Respublikasının müdafiə naziri general-polkovnik Zakir Həsənov Slovakiya Respublikasının Baş nazirinin müavini və müdafiə naziri Robert Kalinakın dəvəti ilə bu ölkəyə rəsmi səfər edib.

Müdafiə Nazirliyindən APA-ya verilən xəbərə görə, Bratislava şəhərində keçirilən qarşılanma mərasimindən sonra Azərbaycanın müdafiə naziri onun şərəfinə düzülmüş qarovul dəhlizindən keçib.

General-polkovnik Zakir Həsənov Slovakiya Respublikasının Baş nazirinin müavini və müdafiə naziri Robert Kalinak ilə görüşüb.

Görüşdə Azərbaycan ilə Slovakiya arasında hərbi əməkdaşlığın cari vəziyyəti barədə ətraflı fikir mübadiləsi aparılıb, qarşılıqlı səfərlərin əhəmiyyəti vurğulanıb.

Tərəflər, həmçinin hərbi, hərbi-texniki əməkdaşlıqların inkişaf perspektivlərini müzakirə ediblər.

Qarşılıqlı hədiyyə mübadiləsindən sonra general-polkovnik Zakir Həsənov Xatirə kitabını imzalayıb.

Oxşar xəbərlər

Zakir Həsənov Slovakiyada rəsmi səfərdədir

Azərbaycan ilə Slovakiya arasında hərbi əməkdaşlıq müzakirə edilib

Zakir Həsənov İtaliya müdafiə naziri ilə görüşüb

Zakir Həsənov Slovakiyada döyüş texnikaları ilə tanış olub, atışlarda iştirak edib

Azərbaycanın Baş Qərargah rəisi Slovakiyada rəsmi səfərdədir