2025-ci ilin yanvar-fevral aylarında ötən ilin müvafiq dövrü ilə müqayisədə xarici ölkələrə gedən Azərbaycan Respublikası vətəndaşlarının ümumi sayı 0,1 faiz azalaraq 296,3 min nəfər olub.

Bu barədə “Sizinxeber.az-Economics” Dövlət Statistika Komitəsinə istinadən xəbər verir.

Qeyd edilib ki, İrana gedən Azərbaycan Respublikası vətəndaşlarının sayı 25,4 faiz, Gürcüstana gedənlərin sayı 17,4 faiz artıb, Türkiyəyə gedənlərin sayı 2,7 faiz, Rusiya Federasiyasına gedənlərin sayı isə 27,7 faiz azalıb. Azərbaycan Respublikası vətəndaşlarının 36,9 faizi Türkiyəyə, 15,8 faizi Rusiya Federasiyasına, 11,4 faizi Gürcüstana, 10,7 faizi İrana, 25,2 faizi digər ölkələrə səfər ediblər.

Gedənlərin 67,5 faizini kişilər, 32,5 faizini qadınlar təşkil edib.

2025-ci ilin yanvar-fevral aylarında xarici ölkələrə səfər edən Azərbaycan Respublikası vətəndaşlarının 68,1 faizi hava, 29,7 faizi dəmir yolu və avtomobil, 2,2 faizi isə dəniz nəqliyyatından istifadə edib.

Oxşar xəbərlər

Azərbaycandan xaricə turist axını 26% artıb

Xaricə səfər edən Azərbaycan vətəndaşlarının sayı 19% artıb

Ötən ay Rusiyaya gedən Azərbaycan vətəndaşlarının sayı 27% azalıb

Azərbaycandan Türkiyəyə turist axını 500 min nəfəri ötüb

Azərbaycandan turist axını 17% artıb