Dövlət Turizm Agentliyi Azərbaycanın təbiət ərazilərini tanıtmaq və nümayiş etdirmək, ekoturizm fəaliyyətlərini təşviq etmək məqsədilə Bakı şəhəri, Abşeron və Xızı rayonlarına infotur təşkil edib.

"Report" agentliyə istinadən xəbər verir ki, müxtəlif turoperator və turagentliklərin nümayəndələri, videobloger və müstəqil bələdçilərin iştirakı ilə təşkil edilən infotur çərçivəsində Abşeron və Altıağac Milli Parkları, habelə təbiət və ekoturizm potensialı olan digər ərazilər ziyarət olunub.

Onlar ekoturizmlə bağlı olan fəaliyyətlər, tarixi və mədəni turizm məhsulları ilə yaxından tanış olublar.

Bundan öncə təşkil edilən infoturlar iki marşrut üzrə olmaqla, Oğuz, Şəki, Qax, həmçinin Kəlbəcər, Xankəndi, Şuşa və Xocavənd rayonlarını əhatə edib.

İnfoturlar “2024-cü ilin “Yaşıl dünya naminə həmrəylik ili” elan edilməsi ilə bağlı Tədbirlər Planı”na uyğun keçirilir. Əsas məqsəd bioloji müxtəlifliyin qorunması və davamlı istifadəsinin təmin edilməsi, bölgələrdə turizm sənayesinin fəaliyyət miqyasını genişləndirmək, turizm vasitəsilə "yaşıl artım" konsepsiyasını dəstəkləmək, həmçinin bunun nəticəsində regionlarda məşğulluq səviyyəsini artırmaqdır.

Oxşar xəbərlər

Dövlət Turizm Agentliyi 2 turizm marşrutu boyunca infotur təşkil edib

Azərbaycanın lüks turizm potensialı Rusiyada təbliğ olunub

Kəlbəcərə ilk dəfə infotur təşkil edilib

Azərbaycanın turizm imkanları Çində silsilə tədbirlərlə tanıdılıb

Zamanda səyahət: Azərbaycanda mədəni turizmin vəziyyəti və inkişaf perspektivləri - ARAŞDIRMA