Dövlət Turizm Agentliyi yanında Azərbaycan Turizm Bürosu və “Azərbaycan Hava Yolları” QSC-nin (AZAL) birgə təşəbbüsü ilə Bakının turizm imkanlarının təbliği məqsədilə kampaniyaya start verilib.

"Report" agentliyə istinadən xəbər verir ki, kampaniya çərçivəsində AZAL-la səyahət edən yerli və xarici sərnişinlər sentyabrın 29-dan dekabrın 29-na kimi minik talonundan göstərilən tarixdən 48 saat ərzində “Bakı Şəhər Turu” avtobus biletlərinə 20 % endirim əldə edəcəklər.

29 sentyabr Azərbaycanda Turizm İşçiləri Günü münasibətilə AZAL sərnişinlərinə “Baku City Tour” avtobuslarında bir günlük pulsuz səyahət imkanı təqdim olunub.

Dünya təcrübəsində geniş istifadə olunan “Hop-On-Hop-Off” avtobus turları hər gün saat 11:20-dən 16:40-a kimi fəaliyyət göstərərək 80 dəqiqə müddətində paytaxtın əsas 15 turistik məntəqəsini əhatə edir. Avtobuslarda Azərbaycan, rus, ingilis, alman, fransız, fars, italyan və yapon dilləri daxil olmaqla 8 dildə ödənişsiz audio-bələdçi mövcuddur.

Avtobus turları haqqında ətraflı məlumatla aşağıdakı linkdən tanış olmaq mümkündür: https://azerbaijan.travel/hop-on-hop-off-az

Oxşar xəbərlər

AZAL Turizm işçiləri Günü münasibətilə beynəlxalq reyslərə 29 % endirim təklif edir

AZAL “GATE20” promokodu ilə aviabiletlərə 20% endirim edəcək

Azərbaycanın turizm imkanları Çində silsilə tədbirlərlə tanıdılıb

Azərbaycanın lüks turizm potensialı Rusiyada təbliğ olunub

Azərbaycan Hindistanda keçiriləcək beynəlxalq turizm sərgisinə qatılacaq