Şuşada İslam Ölkələrinin Ortaq Süfrəsi tədbirinin keçirilməsi bizim üçün qürurvericidir.

"Report"un Şuşaya ezam olunmuş müxbiri xəbər verir ki, bunu Prezidentin Şuşadakı xüsusi nümayəndəsi Aydın Kərimov şəhərdə Beynəlxalq Qastronomiya Günü ilə bağlı keçirilən tədbirdə bildirib.

O, bu tədbirin yüksək səviyyədə keçiriləcəyinə heç bir şübhəsinin olmadığını qeyd edib və əlavə edib ki, builki tədbir xüsusi rəmzi xarakter daşıyır: “Şuşa bu il İslam ölkələrinin mədəniyyət paytaxtı statusu alıb və bütün tədbirlər bu bayraq altında keçirilir. Bu festivalda İslam ölkələrinin mədəniyyətini, o cümlədən mətbəxini - ləziz yeməklərini nümayiş etdirmək üçün şərait yaradılıb".

Bu gün Şuşada Beynəlxalq Qastronomiya Günü keçirilir. "Tut Bağı"nda yaradılan çadır stendlərində Azərbaycan, İran, Türkiyə, Özbəkistan, Pakistan və Səudiyyə Ərəbistanının birgə "İftar və onunla bağlı sosial-mədəni ənənələr" adlı, UNESCO-nun Qeyri-maddi Mədəni İrsin Reprezentativ Siyahısına daxil edilən çoxmillətli nominasiyasına uyğun olaraq ortaq iftar süfrəsini əks etdirən yeməklərin dequstasiyası keçirilir.

Oxşar xəbərlər

Şuşada Beynəlxalq Qastronomiya Günü keçirilir

Aydın Kərimov: “SOCAR Petroleum” Şuşada daimi əsaslı YDM-nin tikintisinə başlayıb”

İlham Əliyevdən Şuşa ilə bağlı sərəncam

Aydın Kərimov: “Azad edilmiş ərazilərdə bugünədək 16 abidə bərpa olunub”

Balaban, iftar süfrəsi UNESCO-nun bu siyahısına daxil edildi