Fransa paytaxtı Parisdə saxta Olimpiya medalları satan şəxs hüquq-mühafizə orqanlarının əməkdaşları tərəfindən saxlanılıb.

“Sizinxeber.az” xəbər verir ki, bu barədə “Le Parisien” nəşri polisdəki mənbəyinə istinadən məlumat yayıb.

Məlumata görə, Olimpiya Oyunlarının açılışına bir neçə gün qalmış Fransaya gələn cinayətdə şübhəli bilinən 39 yaşlı braziliyalı Parisin 12-ci dairəsindəki Bersi küçəsində üzərində 11 saxta medalla yaxalanıb.

Onun kirayə tutduğu mənzilə baxış zamanı müstəntiqlər 198 ədəd ipli, 666 ədəd ipsiz medal, 655 ədəd qızıl-zinət əşyası və üzərində “Paris 2024” emblemi olan 727 ədəd medal ipi, həmçinin 1 340 avro nağd pul və saxta 500 avro banknotu aşkar ediblər.

Qeyd edək ki, daha əvvəl Parisdə Olimpiadaya saxta bilet satışı ilə bağlı 6 cinayət işi açılmışdı.

Üstəlik, Olimpiya kəndində yaşayan idmançılar və məşqçilər şəxsi əşyalarının itməsi ilə bağlı polis bölməsinə şikayətə gediblər. Məsələn, Yaponiyadan olan reqbiçinin mənzilindən zinət əşyaları və 3 min avro pulu oğurlanıb.

Oxşar xəbərlər

Bakıda meyvə satan kişi saxta pula görə bıçaqlanıb

Paris olimpiadası üçün Fransaya gedən əfsanəvi futbolçu qarət olunub

Paris-2024: Azərbaycan medal sıralamasında 23-cü pillədə qərarlaşıb

Paris-2024: Azərbaycan medal sıralamasında 16-cı pillədə qərarlaşıb

Fransalı nazir: Olimpiya Oyunları başlayandan bəri Parisdə 200 nəfər saxlanılıb