Fernando Muslera mövsümün sonunda "Qalatasaray"dan ayrılacağını açıqlayıb

Uruqvaylı qapıçı Fernando Muslera mövsümün sonunda Türkiyənin "Qalatasaray" klubundan ayrılacağını açıqlayıb.

"Sizinxeber.az"un məlumatına görə, 38 yaşlı qolkiper bu barədə mətbuat konfransında bildirib.

O, sabah İstanbul təmsilçisində sonuncu matçına çıxacağını söyləyib.

Qeyd edək ki, Fernando Muslera 2011-ci ildən "Qalatasaray"ın uğurları üçün çalışır. O, "sarı-qırmızılar"la 8 dəfə Superliqanın, 5 dəfə Türkiyə Kubokunun, 6 dəfə Superkubokun qalibi olub. İstanbul təmsilçisi mayın 30-da Superliqanın XXXVIII turunda "Başakşəhər"i qəbul edəcək.