Xankəndi şəhəri istiqamətindəki yolda qəzaya düşən Peşəkar Futbol Liqasının (PFL) prezidenti Elxan Səmədov iki aydan sonra növbəti dəfə əməliyyat olunacaq.

Bu barədə "Sizinxeber.az"a PFL-in Media və marketinq direktoru Sənan Abdullayev məlumat verib.

Onun sözlərinə görə, cərrahi müdaxilə martın ortalarında nəzərdə tutulsa da, həkimlərin qərarına əsasən, may ayında Bakıda gerçəkləşəcək.

Qeyd edək ki, hadisə 2023-cü il dekabrın 16-da Yevlax-Ağdam-Laçın yolunun Ağdam rayon ərazisindən keçən hissəsində baş verib. Bakı şəhər sakini Rasim Qafarlının idarə etdiyi “Mercedes Vito” markalı avtomobil Xankəndi şəhəri istiqamətində hərəkətdə olarkən idarəetməni itirərək yol nişanına çırpılıb. Nəticədə PFL prezidenti Elxan Səmədov, vitse-prezident Aslan Şahgəldiyev, icraçı direktor Zaur Hacı-Məhərrəmov, media və marketinq direktoru Sənan Abdullayev, texniki-idman direktoru Elgiz Abbasov və sürücü Rasim Qafarlı müxtəlif dərəcəli bədən xəsarətləri alıblar. Hadisədən sonra E.Səmədov bir neçə dəfə əməliyyat olunub.

Oxşar xəbərlər

PFL prezidenti sabah xəstəxanadan evə buraxılacaq

PFL prezidenti Elxan Səmədov yaxın günlərdə əməliyyat olunacaq

PFL prezidenti Elxan Səmədov müalicəsini Türkiyədə davam etdirəcək

Qəzaya düşən PFL rəhbərliyindən iki nəfər xəstəxanadan evə buraxılıb

Qəzaya düşən PFL prezidentinin müalicəsi ev şəraitində davam edəcək