"Vaşinqton Venesuela neftinin satışından milyardlarla, bəlkə də trilyonlarla dollar qazanmağı planlaşdırır".

Oxu.Az-ın "Fox News" telekanalına istinadən xəbərinə görə, bu barədə ABŞ Prezidenti Donald Tramp bəyan edib.

"Söhbət neftdən (Venesueladan - red.) əldə edilən milyardlarla dollardan gedir ki, bu da zamanla yüz milyardlarla, daha sonra isə trilyonlarla dollara çevriləcək. Ölkə qaydaya salınana qədər biz orada (Venesuelada - red.) olacağıq", - deyə Tramp bildirib.

O, həmçinin qeyd edib ki, ABŞ bir gündə ümumi dəyəri dörd milyard dollar olan Venesuela nefti əldə edib.

"Biz bir gündə dörd milyard dollar dəyərində neft əldə etdik və bu göstərici artmağa davam edəcək", - deyə o vurğulayıb.