"Qalatasaray"ın sabiq futbolçusu Felipe Melo qərarını verib.

Apasport.az xəbər verir ki, o, karyerasını başa vurub.

Bunu yarımmüdafiəçinin özü açıqlayıb. Onun son klubu Braziliya "Fluminense"si olub.

41 yaşlı Melo sosial şəbəkə hesabında vida paylaşımı edib:

"Bu gün həyatımın ən önəmli bölümlərindən birini - futbolçu karyeramı sonlandırıram. İllər ərzində mübarizə və zəfərlə dolu inanılmaz anlar yaşadım. Yaşadığım hər şey, hər an Tanrının əliylə yönləndirildi və sevdiyim işlə məşğul ola bildiyim üçün ona sonsuz dərəcədə minnətdaram.

Oynadığım bütün klublara, bu yolda enerji qaynağım olan azarkeşlərə, komanda yoldaşlarıma, karyeramda iz buraxan hər kəsə, mənə hər zaman inanan ailəmə və Tanrıya təşəkkür edirəm".

Qeyd edək ki, Melo "Flamenqo", "Qremio", "Kruzeyro", "Malyorka", "Rasinq", "Almeriya", "Fiorentina", "Qalatasaray", "Yuventus", "İnter", "Palmeyras" və "Fluminense" klublarının formasını geyinib. O, həmçinin Braziliya millisinin də şərəfini qoruyub.

Oxşar xəbərlər

Felipe Melo Braziliya klubundan ayrılıb

Sabiq "Qalatasaray"lı 45 yaşında futbolçu karyerasını bitirib

Portuqaliya millisinin sabiq üzvü Nani futbolçu karyerasını başa vurub

Rafael Varan 31 yaşında karyerasını başa vurduğunu açıqlayıb

“Neftçi”nin keçmiş futbolçusu vəfat edib