Bu gün futbol üzrə Azərbaycan Premyer Liqasında III tura start veriləcək.

"Sizinxeber.az"un məlumatına görə, ilk oyun günündə iki qarşılaşma baş tutacaq.

"Kəpəz" "Turan Tovuz"la üz-üzə gələcək. Tovuz şəhər stadionundakı matç saat 18:15-də start götürəcək. Hazırda xalsız olan Gəncə təmsilçisi sonuncu - 10-cu pilədə qərarlaşıb. Tovuz klubu dörd xalla üçüncü sırada yer alıb.

İkinci görüşdə "Sumqayıt" "Səbail"i qəbul edəcək. Oyun saat 20:30-da başlayacaq. "Gənclik şəhəri" təmsilçisi üç xalla 4-5-ci, "dənizçilər" isə bir xalla 7-9-cu yerləri bölüşdürür.

Azərbaycan Premyer Liqası, III tur

18:15. “Kəpəz” – “Turan Tovuz”
Hakimlər: Cavid Cəlilov, Kamran Bayramov, Zöhrab Abbasov, Rauf Allahverdiyev
VAR: Rauf Cabarov
AVAR: Vüsal Məmmədov
Hakim-inspektor: Feyzulla Feyzullayev
AFFA nümayəndəsi: Azər Əsgərov
Tovuz şəhər stadionu

20:30. “Sumqayıt” – “Səbail”
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev
VAR: Fərid Hacıyev
AVAR: Rəhman İmami
Hakim-inspektor: Zöhrab Qədiyev
AFFA nümayəndəsi: Zümrüd Ağayeva
M. Hüseynzadə adına Sumqayıt şəhər stadionu

Qeyd edək ki, III turun "Şamaxı" - "Qarabağ" və "Zirə" - "Araz-Naxçıvan" qarşılaşmaları təxirə salınıb. Tura avqustun 18-də "Neftçi" - "Sabah" matçı ilə yekun vurulacaq.

Oxşar xəbərlər

Premyer Liqa: XX tura bu gün Tovuzda start veriləcək

Premyer Liqa: “Neftçi” – “Sabah” oyununu idarə edəcək hakimin adı açıqlanıb

Azərbaycan Premyer Liqası: Bu gün daha iki oyun baş tutacaq

Premyer Liqa: "Qarabağ" və "Neftçi"nin oyunlarını idarə edəcək hakimlərin adları açıqlanıb

Premyer Liqa: "Qarabağ" və "Neftçi"nin oyunlarını FIFA referiləri idarə edəcək