"Qarabağ" klubu növbəti transferini reallaşdırıb.

"Sizinxeber.az" xəbər verir ki, bu barədə ölkə çempionunun mətbuat xidməti məlumat yayıb.

Qapıçı Mateuş Koxalski heyətə cəlb edilib. Uzun sürən danışıqlar nəticəsində Polşa təmsilçisi “Stal Mielets”lə razılıq əldə olunub.

Klubla 24 yaşlı polşalı qolkiper arasında "3+1" illik müqavilə imzalanıb. O, “Stal Mielets”in heyətində keçirdiyi ötən mövsümdə Polşa çempionatının ən yaxşı qapıçısı adına layiq görülüb.

Koxalski 2022-ci ilin yayından “Stal Mielets”in şərəfini qoruyub. O, bunadək “Legionoviya Legionovo”, “Radomyak Radom” və “Legiya"da (Varşava) forma geyinib.

Qeyd edək ki, Mateuş Koxalski bu ilin iyununda Polşanın əsas millisinin AVRO-2024-ə hazırlıq prosesinə dəvət alıb və təlim-məşq toplanışında iştirak edib. O, bunadək U-16, U-17, U-18 və U-19 milli komandalarında da çıxış edib.

Oxşar xəbərlər

"Qarabağ" komandası Polşa klubunun qolkiperi ilə razılığa gəlib

"Turan Tovuz" növbəti transferini açıqlayıb

"Neftçi" almaniyalı futbolçunun transferini rəsmən açıqlayıb

"Qəbələ" Səlahət Ağayevi transfer edib

"Beşiktaş" yeni transferini açıqlayıb