Azərbaycanın gənc boksçusu Zidan Hümbətov (54 kq) Monteneqronun Budva şəhərində keçirilən Dünya Kuboku statuslu “Adriatik incisi” beynəlxalq turnirində finala vəsiqə qazanıb.

"Sizinxeber.az"un məlumatına görə, o, finala gedən yolda Ali Muratla (Qazaxıstan) üz-üzə gəlib.

Görüş təmsilçimizin qələbəsi ilə yekunlaşıb. Hümbətov rəqibini 5:0 (30:27, 30:27, 30:27, 30:27, 30:27) hesabı ilə məğlub edib.

O, finalda Aldiyar Bahadurla (Qazaxıstan) döyüşəcək.

Azərbaycanın digər boksçularından Banuçiçək Nəsirli (48 kq), Özləm Həsənova (66 kq) və İlkanə Əhmədova (+81 kq) isə turniri bürünc medalla başa vurublar.

Oxşar xəbərlər

Azərbaycan millisinin daha bir boksçusu Monteneqrodakı turnirdə yarımfinala yüksəlib

Azərbaycanın daha bir boksçusu dünya birinciliyində finala yüksəlib

Azərbaycanın daha 3 boksçusu dünya birinciliyində 1/4 finala vəsiqə qazanıb

Azərbaycan boksçusu beynəlxalq turnirə qələbə ilə başlayıb

Azərbaycanın daha üç boksçusu dünya birinciliyində yarımfinala vəsiqə qazanıb