Azərbaycan cüdoçuları beynəlxalq turnirdə 1 qızıl və 3 bürünc medal əldə ediblər

Azərbaycan cdoçuları Macarıstanın Dyör şəhərində keçiriləm Avropa Cüdo Ümidləri Turnirində 1 qızıl və 3 bürünc medal əldə ediblər.

"Report" xəbər verir ki, Avropa Cüdo Birliyinin təşkilatçılığı ilə baş tutan yarışda U-15 yaş kateqoriyasında Aqşin Bayramov (60 kq) qızıl, Səttar Qədirov (42 kq), Fərhad Quliyev (60 kq) və U-13 yaş kateqoriyasında Fəxrim Məhərrəmov (42 kq) bürünc medala yiyələniblər.

Beynəlxalq turnirdə 19 ölkədən 273 cüdoçu iştirak edib.