Azərbaycanın qadın güləşçiləri Macarıstanın Tata şəhərində beynəlxalq təlim-məşq toplanışına qatılıblar.

Bu barədə "Sizinxeber.az"a Güləş Federasiyasından məlumat verilib.

Qadın güləşi üzrə 15 milli komandanın cəlb olunduğu hazırlıq prosesində yığmamızın üzvləri də iştirak edirlər. Olimpiya Təlim-Məşq Bazasında təşkil edilən toplanışda baş məşqçi əvəzi Toğrul Əsgərovun rəhbərliyi altında Elnurə Məmmədova (53 kq), Günay Qurbanova (59 kq) və Ruzanna Məmmədova (62 kq) iştirak edir.

Qarşıdan gələn yarışlara hazırlıq xarakteri daşıyan toplanış iyulun 29-dək davam edəcək.

Qeyd edək ki, növbəti hazırlıq prosesinin də ölkə xaricində təşkili nəzərdə tutulub. Belə ki, U-20 millisinin üzvlərinin – Günay Qurbanova (59 kq), Ruzanna Məmmədova (62 kq) və Zəhra Kərimzadənin (72 kq) baş məşqçi əvəzi Toğrul Əsgərov və böyük məşqçi Rövşən Umudovun rəhbərliyi altında avqustun 5-17-si aralığında Bolqarıstanın paytaxtı Sofiyada toplanış keçməsi planlaşdırılır. Komanda hazırlıq prosesini başa vurduqdan sonra eyni şəhərdə keçiriləcək U-20 dünya çempionatına qatılacaq.

Oxşar xəbərlər

Azərbaycanın qadın güləşçiləri Türkiyədə toplanışa başlayıblar

Azərbaycanın güləş üzrə U-20 millisinin Avropa çempionatı üçün heyəti müəyyənləşib

Yunan-Roma güləşi üzrə Azərbaycan millisi ABŞ yığması ilə toplanış keçir

Azərbaycanın güləş milliləri bölgələrdə toplanış keçəcəklər

Azərbaycanın yunan-Roma güləşi millisi Vladiqafqazda toplanışa başlayıb