Tanınmış rusiyalı MMA ulduzu Həbib Nurməhəmmədov sosial şəbəkə hesabında paylaşım edib.

"Report"un məlumatına görə, 36 yaşlı sabiq çmpion Azərbaycanda görüşdüyü şəxslərlə fotolarını yayımlayıb.

Rusiyalı "Azərbaycan, çox sağ olun. Bu günlər heyrətamiz idi" yazıb.

Qeyd edək ki, Həbib Nurməhəmmədov Mütləq Döyüş Çempionatının (UFC) Bakıda təşkil edilmiş turnirində Taqir Ulanbekovun məşqçisi olub. Ulanbekov Maksum Azata (Qazaxıstan) qalib gəlib.

Turnirin əsas görüşündə ABŞ təmsilçiləri Camal Hill və Halil Rountri üz-üzə gəliblər. Yarım ağır çəkidə baş tutan qarşılaşma beş raund davam edib. H.Rountri yekunda qalib elan olunub.

Azərbaycan idmançılarından Nazim Sadıxov braziliyalı Nikolas Mottaya, Rafael Fiziyev Çilidən olan İqnasio Bahamondesə qalib gəlib. Tofiq Musayev isə Qırğızıstandan olan Mıktıbek Orolbai ilə dueldən məğlub ayrılıb.

Oxşar xəbərlər

Bakıdakı UFC turniri başa çatıb, gecənin əsas döyüşündə qalib bəlli olub

Tofiq Musayev UFC turnirində məğlub olub

Tofiq Musayev: "Daha güclü və inamlı geri dönəcəyəm"

Bu gün Bakıda ilk dəfə UFC turniri keçiriləcək

Bakıda UFC turnirinə start verilib