İngiltərə Premyer Liqası: Holandın dublu komandasına qələbə qazanmağa kömək etdi

İngiltərə Premyer Liqasında 10-cu turun görüşləri keçirilir.

Sizinxeber.Az xəbər verir ki, "Mançester Siti" öz meydanında "Bornmut"u sınağa çəkib.

"Şəhərlilər" inamlı qələbə ilə azarkeşlərini sevindiriblər - 3:1.

Erlinq Holand 17-ci dəqiqədə ev sahibi komandanı irəli çıxarıb. Qonaqlardan Tayler Adams 25-ci dəqiqədə hesabı bərabərləşdirib. 32-ci dəqiqədə Holand dubla imza atıb. Niko O'Reyli isə 60-cı dəqiqədə "Siti"nin üçüncü qolunu vuraraq yekun nəticəni müəyyənləşdirib.

Bu oyundan sonra "Mançester Siti" İngiltərə Premyer Liqasının turnir cədvəlində 19 xalla ikinci, "Bornmut" isə 18 xalla dördüncü yerdədir.