Bakı şəhəri, Qaradağ rayonu, Lökbatan qəsəbəsindəki yanğında "Birmarket"ə məxsus anbara da zərər dəyib.

Sizinxeber.Az xəbər verir ki, bu barədə şirkət məlumat yayıb.

Bildirilib ki, bu səbəbdən aktiv sifarişlərin çatdırılmasında gecikmələr və yeni sifarişlərin qəbulunda çətinliklər yaşana bilər.

Qeyd edək ki, bu gün səhər saatlarında Lökbatan qəsəbəsində yerləşən anbarda güclü yanğın baş verib və alovun söndürülməsi üçün Fövqəladə Hallar Nazirliyinin 182 nəfər şəxsi heyəti, 40 xüsusi təyinatlı texnikası və 2 helikopteri cəlb olunub. Yanğının geniş sahəyə yayılmasının qarşısı alınıb. Hazırda alovun tam söndürülməsi üçün zəruri və təxirəsalınmaz tədbirlər davam etdirilir.

Oxşar xəbərlər

Lökbatanda yanan anbar kimə məxsusdur? - Daha bir şirkətdən AÇIQLAMA

Lökbatanda yanan "Kontakt Home"un anbarı olub

Lökbatandakı yanğına helikopterlər indiyədək 200 ton su töküb - YENİLƏNİB-2