Samuxda ağır yol qəzasında xəsarət alanların sayı 6 nəfərə çatıb - YENİLƏNİB

Samuxda iki avtomobilin toqquşması nəticəsində xəsarət alanların sayı 6 nəfərə çatıb.

"Report"un Qərb bürosunun məlumatına görə, xəsarət alanlar Daşkəsən rayon sakini, 1972-ci il təvəllüdlü Tahir Sadıqov, Samux rayon sakini, 1989-cu il təvəllüdlü Rəşad Əliyev, 1961-ci il təvəllüdlü C.Əliyev, 1990-cı il təvəllüdlü G.Əliyeva, 2015-ci il təvəllüdlü N.Əliyev və 2020-ci il təvəllüdlü F.Əliyevadır.

Zərərçəkənlər Samux Mərkəzi Rayon Xəstəxanasına çatdırılıb.

Samuxda iki avtomobil toqquşub, beş nəfər xəsarət alıb.

"Report"un Qərb bürosunun məlumatına görə, hadisə Gəncə-Samux avtomobil yolunun Samux rayon ərazisindən keçən hissəsində qeydə alınıb.

Yol qəzası nəticəsində, Daşkəsən rayon sakini, 1972-ci il təvəllüdlü Tahir Sadıqov, Samux rayon sakini, 1989-cu il təvəllüdlü Rəşad Əliyev, 1961-ci il təvəllüdlü C.Əliyev, 1990-cı il təvəllüdlü G.Əliyeva, 2015-ci il təvəllüdlü N.Əliyev xəsarət alıblar.

Onların vəziyyətləri kafi qiymətləndirilir. Zərərçəkənlər Samux Mərkəzi Rayon Xəstəxanasına çatdırılıb.

Faktla bağlı araşdırma aparılır.