Xocavənddə hərbi sursat partlayıb, xəsarət alan var.

"Sizinxeber.az" xəbər verir ki, bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) Mətbuat xidmətləri birgə məlumat yayıb.

Bildirilib ki, martın 5-də Xocavənd rayonunun Sos kəndi ərazisində hərbi sursat partlayıb. Nəticədə Füzuli rayonunun Aybasanlı kənd sakini, 2002-ci il təvəllüdlü Əli Ələhbər oğlu Sadıqov əlində əl qumbarasının partladıcı mexanizminin partlaması nəticəsində sol əlindən xəsarət alıb.

Faktla bağlı Xocavənd Rayon Prokurorluğunda araşdırma aparılır.

"ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, təhlükəli əşyalara toxunmamağa, onlara müdaxilə etməməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırır!", - məlumatda qeyd olunub. 

Oxşar xəbərlər

Füzulidə sursat partlayışı olub, xəsarət alan var

Füzulidə sursat partlayıb, yaralanan var

Laçında heyvan otaran şəxs minaya düşüb, araşdırma aparılır

Laçında mina partlaması nəticəsində yaralanan sakin Xankəndiyə təxliyə edilib - YENİLƏNİB

Kəlbəcərdə mina partlayışlarında üç nəfər yaralanıb - YENİLƏNİB