Febralın 19-da Qax-Zaqatala yolunda, Zaqatala rayonu Çobankol kəndində baş vermiş yol-nəqliyyat hadisəsi zamanı xəsarət alan 5 nəfər (3-ü kişi, 2-si qadın cinsli olmaqla) 18:30 radələrində Zaqatala Rayon Mərkəzi Xəstəxanasına hospitalizasiya olunub.

Bu barədə Sizinxeber.az-ya TƏBİB-dən bildirilib.

Qeyd olunub ki, bədənin müxtəlif nahiyələrinin travma, sınıq və əzikləri diaqnozları təyin olunan şəxslərin hər birinə zəruri tibbi xidmətlər göstərilib. Onlardan 2 nəfər fevralın 19-da, 3 nəfər isə fevralın 20-də ambulator müalicə üçün evə buraxılıb.

Fəridə

***

19 fevral, 22.55

Zaqatalada baş verən yol-nəqliyyat hadisəsi zamanı xəsarət alan şəxslərin kimliyi məlum olub.

Sizinxeber.az-nın Şimal-qərb bürosunun məlumatına görə, qəza zamanı xəsarət alanlar aşağıdakılardır:

“VAZ 2102” markalı avtomobilin sürücüsü 1969-cu il təvəllüdlü Qax rayonu Güllük kənd sakini Natiq Bayram oğlu Hudulov.

VAZ 2107 markalı avtomobilin sürücüsü 2004-cü il təvəllüdlü Ağcabədi rayon sakini Amil Loğman oğlu Şirinov.

“VAZ 2107” markalı avtomobildə olan sərnişinlər - 2012-ci il təvəllüdlü Ağcabədi rayon sakini Hüseyn Loğman oğlu Şirinzadə, 1978-ci il təvəllüdlü Ağcabədi rayon sakini Loğman Rəcəb oğlu Şirinov və 1985-ci il təvəllüdlü Ağcabədi rayon sakini Əminət Rafail qızı Şirinovadır.

Qeyd edək ki, qəzaya uğrayan Ağcabədi rayon sakinləri bir ailənin üzvləridir.

***

20:27

Zaqatalada iki minik avtomobili toqquşub, xəsarət alanlar var.

Sizinxeber.az-nın Şimal-qərb bürosunun məlumatına görə, hadisə axşam saatlarında Qax-Zaqatala avtomobil yolunun Zaqatala rayonu Çobakol kəndindən keçən hissəsində baş verib.

İlkin məlumata görə, Qax rayon Güllük kənd sakininin idarə etdiyi "VAZ 2102" markalı minik avtomobili, Ağcabədi rayon sakininin idarə etdiyi "VAZ 2107" markalı minik avtomobili ilə toqquşub.

Qəza nəticəsində bir-neçə nəfərin xəsarət aldığı bildirilir. Yaralılar Zaqatala Rayon Mərkəzi Xəstəxanasının (RMX) Cərrahiyyə korpusuna aparılıblar.

Hazırda yaralılara tibbi yardım göstərilir, şəxsiyyətləri dəqiqləşdirilir.

Faktla bağlı Zaqatala rayon Polis Şöbəsində araşdırma aparılır.

Oxşar xəbərlər

Zaqatalada avtomobil aşıb, xəsarət alanlar var - VİDEO - YENİLƏNİB

Zaqatalada qəza zamanı xəsarət alan şəxslərin kimliyi məlum olub - YENİLƏNİB

Zaqatalada yol-nəqliyyat hadisəsi baş verib, bir neçə nəfər xəsarət alıb

Zaqatalada iki avtomobil toqquşub, xəsarət alan var

Zaqatalada yol qəzasında xəsarət alan beş nəfərin kimliyi məlum olub - FOTO - YENİLƏNİB