TƏBİB dərmandan şoka düşərək ölən Şəmkir sakini barədə məlumat yayıb.

"Report"un sorğusuna cavab olaraq qurumdan bildirilib ki, sentybarın 30-u, saat 20:30 radələrində 1984-cü il təvəllüdlü kişi halsızlıq, yüksək hərarət səbəbilə Şəmkir Rayon Mərkəzi Xəstəxanasının Təcili yardım bölməsinə hospitalizasiya olunub.

Qeyd edilib ki, vəziyyəti ağır qiymətləndirilən şəxsə bütün zəruri reanimasion tədbirlərin göstərilməsinə baxmayaraq saat 21:50-də ölüm faktı qeydə alınıb.

Şəmkir şəhər sakini dərmandan şoka düşərək ölüb.

"Report"un Qərb bürosunun məlumatına görə, Şəmkir şəhər sakini, 1984-cü il təvəllüdlü Qoşqar Əliyev sentyabrın 30-u saat 21:00 radələrində xəstəxanaya müraciət edib və ona verilən dərmanın şokundan ölüb.

Rayon prokurorluğu faktla bağlı araşdırma aparır.

Oxşar xəbərlər

Şəmkir sakini dərmandan şoka düşərək ölüb

Şəmkirdə 36 yaşlı kişi bıçaqlanıb

Şəmkir sakini ağacdan yıxılaraq ölüb 

Şəmkirdə 36 yaşlı kişini bıçaqlamaqda şübhəli bilinən şəxs tutulub - YENİLƏNİB

Şəmkirdə iki yeniyetmə dəm qazından zəhərlənib