Tabeliyində olan hərbi qulluqçulardan rüşvət almaqda, dələduzluqda təqsirləndirilən Müdafiə Nazirliyinin hərbi qulluqçusu, kapitan Ağamalı Pənahovun cinayət işi üzrə məhkəmə prosesi yekunlaşıb.

APA xəbər verir ki, Bakı Hərbi Məhkəməsində hakim Camal Ramazanovun sədrliyi ilə keçirilən prosesdə hökm oxunub.

Hökmə əsasən, təqsirləndirilən şəxs 9 il 7 ay müddətinə azadlıqdan məhrum edilib.

Qeyd edək ki, cinayət işinin ibtidai istintaqı Hərbi Prokuroluqda aparılıb və Ağamalı Pənahov Cinayət Məcəlləsinin 178.2.2 (Dələduzluq, təkrar törədildikdə), 178.2.3 (dələduzluq, şəxs tərəfindən öz qulluq mövqeyindən istifadə etməklə törədildikdə), 232.2.1 (odlu silahı, döyüş sursatını, partlayıcı maddələri və qurğuları talama və ya hədə-qorxu ilə tələb etmə), 232.2.3 (odlu silahı, döyüş sursatını, partlayıcı maddələri və qurğuları talama və ya hədə-qorxu ilə tələb etmə - şəxs tərəfindən öz qulluq mövqeyindən istifadə etməklə törədildikdə) və 311.3.2-ci (təkrar rüşvət alma, təkrar törədildikdə) maddələri ilə ittiham olunub.

Oxşar xəbərlər

Bakıda küçədə 24 yaşlı oğlanı silahla qətlə yetirməkdə təqsirləndirilən hərbçiyə hökm oxunub

Bakıda mənzilə qumbara qoyaraq soyğunçuluqda təqsirləndirilən şəxsə hökm oxunub

Qadınları şantaj edərək onlardan pul almaqda ittiham olunan şəxsə hökm oxunub

Dələduzluqda və rüşvət almaqda təqsirləndirilən şəxsin cəzası 2 il azaldılıb

Rüşvət almaqda təqsirləndirilən sayt rəhbəri və oğluna hökm oxunub