Fövqəladə Hallar Nazirliyinin "112" qaynar telefon xəttinə Araz çayının Saatlı rayonu, Novruzlu kəndindən keçən hissəsində 1 nəfərin batması barədə məlumat daxil olub.

FHN-in Mətbuat xidmətindən APA-ya verilən xəbərə görə, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Dalğıc-xilasedicilər tərəfindən 2007-ci il təvəllüdlü Qasımov Zəka Amid oğlunun meyiti suda tapılıb çıxarılaraq aidiyyəti üzrə təhvil verilib.

***

19.37

Saatlıda Araz çayında batan 18 yaşlı oğlanın meyiti tapılıb.

APA xəbər verir ki, meyit batdığı yerdən 30 metr aralıda FHN xilasediciləri tərəfindən sudan çıxarılıb.

Faktla bağlı araşdırma aparılır.

***

18.25

Saatlıda 18 yaşlı oğlan Araz çayında batıb.

APA-nın Mil-Muğan bürosunun məlumatına görə, hadisə Araz çayının Saatlı ryonunun Novruzlu kəndi ərazisindən keçən hissəsində qeydə alınıb.

Bildirilir ki, Novruzlu kənd sakini, 2007-ci il təvəllüdlü Zəka Qasımovun çayda batması barədə əlaqədar qurumlara məlumat daxil olub. Hadisə yerində xilasedicilər cəlb olunub və axtarışlar davam etdirilir.

Oxşar xəbərlər

Araz çayının Saatlıdan keçən hissəsində 1 nəfər batıb

Qusarda 3 gün əvvəl kanalda batan yeniyetmənin meyiti tapılıb

Ağcabədidə kanalda batan 17 yaşlı oğlanın meyiti tapılıb

Şəmkirdə Kürdə batan 17 yaşlı oğlanın meyiti tapılıb - YENİLƏNİB

Mingəçevir su anbarında batan şəxsin meyiti tapılıb