Prezidenti iqlim məsələləri üzrə nümayəndəsi Muxtar Babayev Qazaxıstanın Astana şəhərində keçirilən Regeional Ekoloji Sammit (RES 2026) çərçivəsində Serbiyanın ətraf mühitin mühafizəsi naziri Sara Pavkov ilə görüşüb.

Sizinxeber.Az xəbər verir ki, bu barədə M.Babayev X hesabında yazıb.

"Serbiyanın ətraf mühitin mühafizəsi naziri Sara Pavkov ilə konstruktiv fikir mübadiləsi apardıq", - o bildirib.

M.Babayev əlavə edib ki, COP31 ərəfəsində ikitərəfli əməkdaşlığın gücləndirilməsini və iqlim prosesləri üzrə perspektivlər müzakirə olunub:

"Serbiyanın qarşıdan gələn 2027-ci il Ümumdünya Ətraf Mühit Gününə ev sahibliyi etməsi bu qlobal məqamın davamlı əhəmiyyətini əks etdirir. Bu ilin iyununda Azərbaycanda keçiriləcək WED2026 (BMT-nin Ətraf Mühit Proqramının təşkil etdiyi Ümumdünya Ətraf Mühit Günü), ev sahibi ölkələr arasında davamlılıq və ortaq təcrübənin artıq formalaşması ilə təbii bir əlaqə nöqtəsi təqdim edir".

Oxşar xəbərlər

Azərbaycanla Serbiya arasında ikitərəfli əməkdaşlıq müzakirə edilib

Muxtar Babayev BƏƏ-nin naziri ilə COP29-un nəticələrini müzakirə edib

Ümumdünya Ətraf Mühit Günü Samur-Yalama Milli Parkında qeyd olunub

Azərbaycanla Pakistan arasında ətraf mühitin mühafizəsi sahəsində əməkdaşlıq müzakirə edilib