Səudiyyə Ərəbistanında Həcc ziyarəti zamanı dünyasını dəyişən zəvvarların sayı 1 300 nəfəri keçib.

"Report" xəbər verir ki, bu barədə krallığın səhiyyə naziri Fəhd bin Abdel Rəhman əl-Cəlacel bildirib.

“Həcc zamanı ölənlərin sayı 1301 nəfər olub, ölən zəvvarların 83%-nin müvafiq vizası olmayıb”, - deyə nazir vurğulayıb.

Qeyd edək ki, Həcc ziyarəti zamanı 672 misirli zəvvar dünyasını dəyişib, onlardan yalnız 31 nəfərinə xüsusi viza verilib.

Nəticədə qeydiyyatdan keçməyən zəvvarlar kondisionerli istirahət obyektlərindən istifadə edə bilməyiblər və yoxlama məntəqələrindən yayınaraq açıq günəş altında uzun gəzintilər etməyə məcbur olublar. İstilər zamanı isə zəvvarlar müxtəlif səbəblərdən dünyasını dəyişiblər.

Səudiyyə Ərəbistanında Həcc ziyarəti zamanı dünyasını dəyişən zəvvarların sayı 1 100-ü keçib ki, onların da yarıdan çoxu Misir vətəndaşlarıdır.

"Report" xəbər verir ki, bu barədə TASS-a bir sıra ərəb ölkələrinin Səudiyyə Ərəbistanındakı diplomatik nümayəndəliyindəki mənbələr məlumat verib.

Həcc ziyarəti zamanı 672 misirli zəvvar dünyasını dəyişib ki, onlardan yalnız 31-nə Səudiyyə Ərəbistanı hakimiyyəti tərəfindən xüsusi viza verilib. Qalanları isə zəvvar kimi qeydiyyata alınmayıb və qeyri-qanuni həcc ziyarəti ediblər.

Hazırda 25-i Misir vətəndaşı olmaqla 100-ə yaxın adam itkin düşüb.

Əvvəllər 800-dən çox itkin düşmüş şəxs haqqında məlumat verilib, onların çoxu sonradan yaxınları ilə əlaqə saxlayıb.

Oxşar xəbərlər

Səudiyyə Ərəbistanında Həcc ziyarəti zamanı dünyasını dəyişən zəvvarların sayı 1300 nəfəri keçib

Həcc ziyarəti zamanı 31 misirli həlak olub

Azərbaycan zəvvarlarının ilk qrupu Həcc ziyarətinə yola düşüb

Nazir müavini: “Dünyasını dəyişən şəxslərlə bağlı siyahı artıq MSK-ya təqdim olunub”

Qəzza zolağında ölənlərin sayı 20,4 mini keçib