Burun çəpərindəki əyriliyi aradan qaldırmaq üçün əməliyyat olunan 30 yaşlı Nəzrin Mansurova komadan ayılmayıb və vəfat edib.

Bu barədə Oxu.Az-a "Liv Bona Dea Hospital"dan məlumat verib.

Bildirilib ki, bir müddət əvvəl komaya düşən Nəzrin Mansurovanın həyatın xilas etmək mümkün olmayıb, o, bir az əvvəl vəfat edib.

Xatırladaq ki, yanvarın 3-də cərrah Sənan Mehdiyev tərəfindən keçirilən əməliyyatdan bir gün sonra onun vəziyyəti ağırlaşıb.

Qeyd edək ki, bu, cərrah S.Mehdiyevlə bağlı ilk hadisə deyil. 2015-ci ilin martında həmin həkimin əməliyyat etdiyi 18 yaşlı Leyla Mürsəlova klinikada vəfat etmişdi. Ailəsinin uzun müddət davam edən şikayətlərindən sonra hadisə araşdırıldı və S.Mehdiyev 8 ay 23 gün müddətinə azadlıqdan məhrum edildi. Lakin onun azadlıqdan məhrumetmə cəzası əvvəllər barəsində seçilmiş ev dustaqlığı qətimkan tədbiri ilə əvəzləndi və cəzası çəkilmiş hesab olundu.

Oxşar xəbərlər

Xəstənin burun əməliyyatından sonra komaya düşməsi ilə bağlı araşdırma başlayıb - RƏSMİ

Azərbaycanda tanınmış meyxanaçı vəfat etdi

Övlad dünyaya gətirən qadınları canından edən həkim ÖLDÜ

Fransa klubunun 35 yaşlı futbolçusu vəfat edib