Bu ilin yanvar-sentyabr aylarında İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyindəki Masallı Sənaye Məhəlləsində 2,2 milyon manat dəyərində məhsul istehsal edilib.

"Sizinxeber.az" agentliyə istinadən xəbər verir ki, bu, ötən ilin eyni dövrü ilə müqayisədə təxminən 15 % çoxdur.

Beləliklə, indiyə qədər Masallı Sənaye Məhəlləsində məhsul istehsalının ümumi dəyəri 14,2 milyon manat təşkil edib.

Hazırda Məhəllədə investisiya kapitalı 6,2 milyon manat olan 8 sahibkarlıq subyektinin rezidentliyi var. Onlar indiyə qədər 2,1 milyon manat investisiya yatırıb, 70 iş yeri yaradıb. Növbəti mərhələdə əlavə 4,1 milyon manat investisiya yatırılması, daha 159 iş yeri yaradılması nəzərdə tutulur.

Oxşar xəbərlər

Neftçala Sənaye Məhəlləsinə investisiya qoyuluşu 46 milyon manatı ötüb

Azərbaycandakı sənaye parklarının rezidentləri indiyə qədər 483 milyon manat vəsaitə qənaət ediblər

Mingəçevir Sənaye Parkından 9 ayda 33,3 milyon manatlıq məhsul ixrac edilib