TƏBİB Ötən gün Biləsuvar Rayon Mərkəzi Xəstəxanasında dünyasını dəyişən 4 yaşlı N.Ə ilə bağlı açıqlama verib.

Qurumdan "Report"un Muğan bürosunun sorğusuna cavab olaraq bildirilib ki, 10 noyabr saat 17:30 radələrində 2020-ci il təvəllüdlü azyaşlı (qadın cinsli) Biləsuvar Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib.

Ona ürək və tənəffüs çatışmazlığı diaqnozu qoyulub.

Reanimasiya şöbəsinə yerləşdirilən azyaşlıya zəruri tibbi müdaxilələrə və həkimlərin çoxsaylı səylərinə baxmayaraq, ölüm faktı qeydə alınıb. Meyit təşrih olunması üçün aidiyyəti üzrə təhvil verilib.

Qeyd edək ki, hadisə dünən rayonuun Xırmandalı kəndində baş verib. Kənd sakini, 2020-ci il təvəllüdlü N.Ə-nin qəfil halının pisləşməsini görən valideynləri uşağı Rayon Mərkəzi Xəstəxanasına çatdırıb.

Həkimlərin səylərinə baxmayaraq, azyaşlının həyatını xilas etmək mümkün olmayıb.

Oxşar xəbərlər

TƏBİB: Cəlilabadda ölən azyaşlıya dəqiqləşdirilməmiş pnevmoniya diaqnozu qoyulub - YENİLƏNİB

TƏBİB Nəsiman Yaqublunun ölümünün ilkin səbəblərini açıqlayıb

FHN: Biləsuvarda ölən şəxs nazirliyin əməkdaşı deyil - YENİLƏNİB-2

ADPU-nun tələbəsi qızılca xəstəliyindən ölüb? - Həkimdən AÇIQLAMA + VİDEO

Biləsuvarda FHN-in əməkdaşının ölümünün bəzi təfərrüatları məlum olub - YENİLƏNİB