Mən şəxsən Prezident Əliyevə Azərbaycanın Ukraynanın ərazi bütövlüyü və suverenliyinə verdiyi dəstəyə, qış dövründə humanitar və enerji yardımına görə təşəkkür etdim.

APA-nın xəbərinə görə, bunu bu gün Azərbaycan Respublikasının Prezidenti İlham Əliyevlə görüşən Ukraynanın xarici işlər naziri Andrey Sibiqa bildirib.

“İlham Əliyev Bakıda. Biz Ukrayna-Azərbaycan ikitərəfli münasibətlərinin əsas mövzuları və beynəlxalq gündəm ətrafında açıq və ətraflı müzakirə apardıq. Biz Rusiyanın təcavüzünə necə son qoyacağımız və ədalətli və davamlı sülhün necə bərqərar olacağına xüsusi diqqət yetirdik.

Biz Ukrayna-Azərbaycan strateji tərəfdaşlığının inkişafı istiqamətində növbəti addımları müzakirə etdik. Azərbaycanın bu il iyulun 10-11-də Romada keçirilməsi planlaşdırılan Ukraynanın Bərpası Konfransında iştirakı bu baxımdan əhəmiyyətli olacaq”, - deyə Andrey Sibiqa qeyd edib.

Oxşar xəbərlər

Ukrayna və Ermənistan XİN rəhbərləri görüşüb

Prezident İlham Əliyev Ukraynanın xarici işlər nazirini qəbul edib - YENİLƏNİB

Ukrayna XİN rəhbəri Keyt Kelloq ilə görüşüb

Ukrayna XİN başçısı Çinə səfər edəcək

Ceyhun Bayramov Ukraynanın yeni XİN rəhbəri ilə telefon danışığı aparıb - YENİLƏNİB