Özbəkistanın paytaxtı Daşkənd şəhərində işgüzar səfərdə olan Milli Məclisin sədri Sahibə Qafarova aprelin 4-də Parlamentlərarası İttifaqın (PAİ) Baş katibi Martin Çunqonq ilə görüşüb.
Bu barədə APA-ya Milli Məclisin Mətbuat və ictimaiyyətlə əlaqələr şöbəsindən xəbər verilib.
Görüşdə Azərbaycan Respublikasının Milli Məclisi ilə Parlamentlərarası İttifaq arasında əməkdaşlıq məsələləri nəzərdən keçirilib. Bildirilib ki, Parlamentlərarası İttifaq beynəlxalq əməkdaşlıq baxımından səmərəli platformadır.
Qeyd olunub ki, beynəlxalq parlament qurumları ilə ikitərəfli və çoxtərəfli əsasda əməkdaşlıq edən Milli Məclis Parlamentlərarası İttifaqla əlaqələrin genişləndirilməsinə mühüm əhəmiyyət verir. Tərəflərin birgə əməkdaşlığı ilə bir sıra tədbirlərin uğurla təşkil olunması əməkdaşlığımızın daha da dərinləşməsinə imkanlar yaradır.
Söhbət zamanı Azərbaycanın təşkilatda yüksək səviyyədə və fəal şəkildə təmsil olunması müsbət qiymətləndirilib. Milli Məclisin deputatlarının təşkilatın rəhbər orqanlarında təmsil olunmasından məmnunluq ifadə edilib.
Görüşdə, həmçinin Parlamentlərarası İttifaq ilə Qoşulmama Hərəkatının Parlament Şəbəkəsi arasında da əməkdaşlıq məsələləri müzakirə edilib. Martin Çunqonq Parlament Şəbəkəsinin fəaliyyətini yüksək qiymətləndirib və iki təşkilat arasında əməkdaşlığın önəmini diqqətə çatdırıb.
Söhbət zaman; qarşılıqlı maraq doğuran digər məsələlər haqqında müzakirələr aparılıb.

Oxşar xəbərlər

Parlamentlərarası İttifaqın Baş katibi Azərbaycana səfərə gəlib [xfgiven_updateblue][/xfgiven_updateblue]

Sahibə Qafarova Valentina Matviyenko ilə görüşüb [xfgiven_updateblue][/xfgiven_updateblue]

Sahibə Qafarova: Milli Məclis Parlamentlərarası İttifaqla əlaqələrin genişləndirilməsinə mühüm əhəmiyyət verir [xfgiven_updateblue][/xfgiven_updateblue]

COP29 çərçivəsində Parlament Konfransının təşkili müzakirə olunub [xfgiven_updateblue][/xfgiven_updateblue]

Sahibə Qafarova İsveçrəyə işgüzar səfərə gedib [xfgiven_updateblue][/xfgiven_updateblue]