Çin Sədri Si Cinpin Azərbaycan Prezidenti İlham Əliyevə başsağlığı məktubu göndərib.

"Sizinxeber.az"un məlumatına görə, məktubda deyilir:

"Hörmətli cənab Prezident.

Azərbaycana məxsus sərnişin təyyarəsinin qəzaya uğraması nəticəsində insanların faciəli surətdə həlak olmaları xəbərindən sarsıldım.

Çin Hökuməti və xalqı adından həlak olanlara görə kədərimi ifadə edir, onların ailələrinə dərin hüznlə başsağlığı verir və yaralananların tezliklə sağalmalarını arzulayıram".

Qeyd edək ki, təyyarədə olan 67 nəfərdən 38-i həlak olub, 29-u sağ qalıb.

Hadisədən sonra Prezident İlham Əliyevin tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Xatırladaq ki, dekabrın 25-də Bakı-Qroznı reysini yerinə yetirən “Embraer 190” tipli sərnişin təyyarəsinin Aktau şəhəri yaxınlığında qəzaya uğraması ilə əlaqədar Prezident İlham Əliyev dekabrın 26-sının Azərbaycanda matəm günü elan olunması barədə Sərəncam imzalayıb.

Oxşar xəbərlər

Çin lideri: Azərbaycana məxsus sərnişin təyyarəsinin qəzaya uğraması xəbərindən sarsıldım [xfgiven_updateblue][/xfgiven_updateblue]

Fələstin Prezidenti: Təyyarə qəzasında insan tələfatı xəbərini təəssüf hissi ilə öyrəndim [xfgiven_updateblue][/xfgiven_updateblue]

BƏƏ Prezidenti İlham Əliyevə başsağlığı verib [xfgiven_updateblue][/xfgiven_updateblue]

Pakistanın Baş naziri: Azərbaycan xalqının birliyi bu çətin dövrü dəf etməyə kömək edəcək [xfgiven_updateblue][/xfgiven_updateblue]

Tatarıstanın Rəisi: İtkilərin acısını ürəkdən bölüşür və qardaş Azərbaycan xalqı ilə birlikdə kədərlənirik [xfgiven_updateblue][/xfgiven_updateblue]